Катэгорыя: Навіны

Створана 04 Верасень 2008

 

У інтэнцыі хутчэйшага будаўніцтва новага касцёла, аб пераадоленні ўсялякіх перашкодаў, у нашай парафіі арганізавана штодзённая малітва да св. Юзафа. Яна адмаўляецца пасля кожнай св. Імшы. Вернікі таксама могуць далучыцца да малітвы.

 

Тэкст малітвы дададзены ніжэй:

Малітва да св. Юзафа

У Цябе, святы Юзэфе, шукаем мы паратунку ў нашай нядолі. Звяртаючыся па дапамогу да тваёй Найсвяцейшай Абранніцы Панны Марыі, з даверам просім таксама тваёй апекі. Праз любоў, якая яднала цябе з Найсвяцейшай Багародзіцай, і праз тваю айцоўскую апеку, якою ты атуляў Езуса ў дзяцінстве, пакорна просім: узглянь ласкава на спадчыну, якую Езус Хрыстус здабыў крывёю сваёю, і сваім магутным заступніцтвам дапамажы нам у патрэбах нашых.

Прадбачлівы Апякуне Сям’і Божай, апякуйся абраным патомствам Езуса Хрыста. Адхілі ад нас, мілы ойча, усялякія памылкі і спакусы. Магутны наш абаронца! Прыйдзі да нас ласкава з нябеснаю дапамогаю ў гэтым змаганні з сіламі цемры і, як некалі ў дзяцінстве выратаваў Езуса ад небяспекі, якая пагражала Ягонаму жыццю, так цяпер барані святы Касцёл Божы ад варожых нападаў і ўсялякіх перашкодаў.

Атуляй кожнага з нас нястомнаю апекаю, каб мы, па твайму прыкладу і тваёю дапамогаю падтрыманыя, маглі жыць у святасці, памерці пабожна і атрымаць вечнае шчасце ў небе. Амэн.

Катэгорыя: Навіны

Створана 02 Верасень 2008

Учора 1 верасня мы развіталіся з сястрой Маргарытай Пятрушчак, якая працавала ў нашай парафіі тры гады.

Падрабязней: Парафія развіталася з сястрой Маргарытай

Катэгорыя: Навіны

Створана 05 Ліпень 2008

Скончылася 17 пілігрымка Мінск-Будслаў. Скончылася як заўсёды пакінуўшы пасля сябе шмат новых ураджанняў і пачуццяў у сэрцах пілігрымаў.

Падрабязней: Пілігрымка да Маці Божай будслаўскай.

Катэгорыя: Навіны

Створана 26 Чэрвень 2008

Распачалося лета, а з ім і цудоўная , чаканая пара для дзетак – канікулы. Дзеці адпачываюць па-рознаму: адны выязжаюць на мора, другія – у горы, іншыя – у піянерскі лагер, а нашыя выбралі канікулы з Богам...

Падрабязней: Дзіцячыя канікулы ў Навагрудку.

Катэгорыя: Навіны

Створана 26 Чэрвень 2008

У суботу, 21 чэрвеня, наша парафія ўрачыста сустракала Дзяржаўнага Сакратара Яго Святасці Папы Бэнедыкта XVI – Яго Эмінэнцыю Кардынала Тарчызіо Бертонэ.

Падрабязней: Адбыўся візыт кардынала Т. Бэртоне у Серабранку

Катэгорыя: Навіны

Створана 17 Чэрвень 2008

Увага!

21 чэрвеня, у суботу, адбудзецца візіт ў нашу парафію Дзяржаўнага Сакратара Яго Святасці Бэнедыкта Кардынала Тарчызіо Бертонэ. Высокі Госць асвеціць вуглавы камень новага касцёла, а пасля правядзе малітоўную сустрэчу з моладдзю, прысвечаную тэме "Моладзь – сведкі Евангелля ў Духу Святым". Пасля сустрэчы адбудзецца канцэрт. 

Расклад мерапрыемстваў:

17.30. – Святая Імша, галоўны цэлебрант – Яго Эмінэнцыя Кардынал Казімір Свёнтэк

18.30. – Прыезд Яго Эксцэленцыі Тарчызіо Бертонэ, цырымонія асвячэнне вуглавога каменя і сустрэча з моладдзю.


Вашая прысутнасць будзе вялікім гонарам для нас!
Шчыра запрашаем!

Катэгорыя: Навіны

Створана 24 Май 2008

24 мая на галоўных вуліцах Мінска адбылася працэсія вернікаў, прысвечаная урачыстасці Цела і Крыві Пана нашага Езуса Хрыста.

Падрабязней: Працэсія на Божае Цела

Катэгорыя: Навіны

Створана 18 Май 2008