Літанія да святога Яна Хрысціцеля

Кiрые, элейсон,
Хрыстэ, элейсон, Кiрые, элейсон.
Хрыстэ, пачуй нас,
Хрыстэ, выслухай нас.
Ойча з неба, Божа,
— змiлуйся над намi.
Сыне, Адкупіцель свету, Божа,
— змiлуйся над намi.
Духу Святы, Божа,
— змiлуйся над намi.
Святая Тройца, Адзiны Божа,
— змiлуйся над намi.

Святая Марыя,
— малiся за нас.
Святы Ян Хрысціцель,
— малiся за нас.
Божы пасланнік,
— малiся за нас.
Папярэднік нашага Збаўцы,
— малiся за нас.
Той, хто пагарджаў светам,
— малiся за нас.
Голас, які клікаў на пустыні,
— малiся за нас.
Вястуне праўды,
— малiся за нас.
Той, хто ўказваў шлях да неба,
— малiся за нас.
Святло для прарокаў,
— малiся за нас.
Прыклад для мучанікаў,
— малiся за нас.
Святы Яне,
нараджэнне якога яшчэ да зачацця было аб’яўлена Анёлам,
— малiся за нас.
Святы Яне,
які быў асвячаны яшчэ ва ўлонні маці,
— малiся за нас.
Святы Яне,
які атрымаў сваё імя з неба,
— малiся за нас.
Святы Яне,
які з найдасканалейшай любові прысвяціў сябе служэнню Езусу Хрысту,
— малiся за нас.
Святы Яне,
які падрыхтаваў шлях да сапраўднага пакаяння,
— малiся за нас.
Святы Яне,
які сваім навучаннем і прыкладам навярнуў да Бога незлічоную колькасць людзей,
— малiся за нас.
Святы Яне,
які, не баючыся, сказаў Іраду праўду ў вочы,
— малiся за нас.
Святы Яне,
які дзеля праўды праліў сваю кроў,
— малiся за нас.
О хвалебны наш апякун і заступнік перад Богам,
— малiся за нас.

Мы, грэшныя, цябе просім,
— выслухай нас.
Каб выпрасіў для нас ласку пакаяння,
цябе просім,
— выслухай нас.
Каб выпрасіў для нас ласку павелічэння веры, надзеі і любові,
цябе просім,
— выслухай нас.
Каб выпрасіў для нас чысціню душы і цела,
цябе просім,
— выслухай нас.
Каб дапамог нам у хвіліну смерці і на апошнім судзе заступўся за нас,
цябе просім,
— выслухай нас.

Баранку Божы,
які бярэш на сябе грахі свету,
— даруй нам, Пане.
Баранку Божы,
які бярэш на сябе грахі свету,
— выслухай нас, Пане.
Баранку Божы,
які бярэш на сябе грахі свету,
— змілуйся над намі.

Маліся за нас, святы Ян Хрысціцель.
Каб сталіся мы годнымі абяцанняў Хрыстовых.

Молімся: Божа, Ты паклікаў святога Яна Хрысціцеля, каб ён падрыхтаваў Твой народ да прыйсця Хрыста, удзялі Твайму Касцёлу дар радасці ў Духу Святым і скіруй душы ўсіх вернікаў на шлях збаўлення і спакою. Амэн.

Малітва аб апецы

Святы Яне, імя якога я нашу, мой літасцівы апякуне! Тваёй апецы, асабліва ў сённяшні дзень, я аддаюся і прашу, каб ты сваім заступніцтвам перад Богам падтрымліваў і ратаваў мяне ва ўсіх патрэбах маіх і каб вымаліў для мяне ласку вернага наследвання тваіх цнотаў.
Учыні, мой дарагі апякуне, каб захаваў я вернасць Богу, нягледзячы на ўсе нягоды зямнога жыцця, і заслужыў ласку шчаслівай смерці. Амэн.