Катэгорыя: Аб'явы

Створана 02 Кастрычнік 2021

Згодна з літургічным календаром на гэтым тыдні  прыпадае:

• 27 верасня, панядзелак – успамін св. Вінцэнта дэ Поля, святара.
• 28 верасня, аўторак – успамін cв. Вацлава, мучаніка.
• 29 верасня, серада – свята св. Міхала Арханёла (апекуна Мінска-Магілёўскай правінцыі Касцёла), св. Габрыэля і Рафала, арханёлаў. Св. Імшы ў нашай святыні 8.00 і 19.00.
• 30 верасня, чацвер – успамін св. Гераніма, святара і доктара Касцёла. Таксама ў гэты дзень згодна з традыцыяй салезіянскай сям’і, на прыканцы кожнага месяца, успамінаем св. Яна Боско. У гэты дзень молімся праз заступніцтва св. Яна Боско аб патрэбныя ласкі для нас і нашых блізкіх.
• 1 кастрычніка, пятніца – успамін св. Тэрэзы ад Дзіцятка Езуса. У гэты дзень таксама прыпадае І-ая пятніца месяца. Аддаём пашану і хвалу Найсвяцейшаму Сэрцу Езуса, перапрашаючы Яго за ўласныя грахі і за грахі ўсяго свету.
• З 1 кастрычніка, у лучнасці з усім Касцёлам, на працягу ўсяго месяца будзем маліцца на Святым Ружанцы ў інтэнцыі супакою ва ўсім свеце, а таксама аб ласку хуткага спынення пандэміі. У нашай святыні будзем маліцца кожны дзень з выстаўленнем Найсвяцейшага Сакрамэнту а 18.00 гадзіне. Запрашаем да малітвы на святым Ружанцы ўсіх вернікаў!
• 2 кастрычніка, субота – успамін св. Анёлаў Ахоўнікаў. Таксама ў гэты дзень прыпадая І-ая Субота месяца. Аддаём пашану і хвалу Найсвяцейшаму Сэрцу Марыі, дзякуючы Ёй за ўсе атрыманыя ласкі. У гэты дзень у нашай смвячтыні адбудзецца змена таямніц Жывога Ружанца. Усіх, хто належыць да колаў Жывога Ружанца запрашаем на Св. Імшу а 17ай гадзіне.

З жыцця нашай парафіі і нашага араторыя:

• Прыпамінаем і заахвочваем моладзь і дзяцей запісвацца на заняткі па рэлігіі. Запісацца можна ў нашым парафіяльным кіёску. Просім бацькоў і апекуноў паклапаціцца аб гэтым! Распарадак заняткаў размешчаны на дошцы аб’яў і пры парафіяльным кіёску.
• УВАГА! СТУДЭНТЫ І ПРАЦУЮЧАЯ МОЛАДЗЬ! Пры нашай парафіі і араторыі распачалiся катэхезы для сдудэнтаў, навучэнцаў і працуючай моладзі. Сустрэчы для студэнтаў і навучэнцаў будуць праходзіць па аўторках у класе № 2, у будынку капліцы. Сустрэчы праводзіць кс. Артур Ляшнеўскі. Першая арганізацыйная сустрэча для працуючай моладзі адбудзецца 29 верасня ў сераду. Сустрэчы для працуючай моладзі будзе праводзіць кс. Алег Каралёў. Таксама запрашаем вернікаў і моладзь па аўторках і серадах на малітву святога брэвярыя, якая праходзіць ў нашай святыні а гадзіне 19.45.
• Запрашаем дзяцей 5-га і 6-га класа далучыцца да суполкі Савіо-Клуб. У суполцы дзяцей чакаюць цікавыя сустрэчы, гульні і выезды. Запісацца можна ў с. Юліі Клевец.
• Запрашаем хлопцаў стаць міністрантамі ў нашай парафіі, каб служыць Богу пры алтары. Запісацца можна ў закрыстыі.
• З 16 кастрычніка Салез’янская сям’я распачынае святкаванне Юбілею 100-гаддзя сваёй Салезіянскай прысутнасці на Беларусі. Запрашаем ўсіх вернікаў далучыцца да святкавання!
• Заахвочваем вернікаў набываць у нашым парафіяльным кіёску новыя часопісы “Авэ Марыя” і “Наша Вера”!
• Таксама можна ўжо ў парафіяльны кіёск прыносіць спіскі з імёнамі нашых блізкіх памерлых, так званыя выпамінкі, за якіх будзем маліцца на працягу ўсяго месяца лістапада ў нашай святыні.
• Выказваем шчырую падзяку ўсім нашым вернікам, ахвярадаўцам і дабрачынцам за матэр’яльныя ахвяраванні і дапамогу ў будове нашай новай святыні. Божа, адары кожнага патрэбнымі ласкамі!

Катэгорыя: Аб'явы

Створана 24 Верасень 2021

Абраз Маці Божай Ружанцовай у касцёле дамініканаў у Познані (Польшча)

2 кастрычніка ў катэдры Унебаўзяцця Найсвяцейшай Панны Марыі і святога Станіслава ў Магілёве пад дэвізам «Плыві на глыбіню» пройдзе Ружанцовы кангрэс на тэмы: сям’я, Святое Пісанне, ружанец і адарацыя.

Ужо стала добрай традыцыяй, што на пачатку кастрычніка, асаблівага Марыйнага месяца, па ініцыятыве айцоў дамініканаў у магілёўскай катэдры адбываецца Ружанцовы кангрэс. Мэта сёлетняга, ужо Пятага Ружанцовага кангрэса (як, зрэшты, і папярэдніх падобных форумаў) — паглыбленне духоўнай і інтэлектуальнай фармацыі вернікаў, якія моляцца на ружанцы і хочуць адкрываць тэалагічныя глыбіні, змешчаныя ў яго таямніцах.

Сёлета сустрэча пройдзе пад дэвізам: «Плыві на глыбіню» і будзе прысвечана тэмам: сям’я, Святое Пісанне, ружанец і адарацыя.

Арганізатары запрашаюць узяць удзел у кангрэсе ўсіх ахвотных, а асабліва тых вернікаў, якія належаць да ружанцовых колаў.

Праграма кангрэса:

• 9.30 – 10.15 — рэгістрацыя ўдзельнікаў
• 10.20 — адкрыццё кангрэса
• 10.30 – 11.10 — даклад айца Паўла Мажэйкі OP «Айцец Яцэк Варанецкі. „Паўната малітвы“, частка ІІ»
• 11.15 – 11.55 — даклад сястры Чэславы Навіцкай USJK «Скарб любові: біблійныя медытацыі святой Уршулі Ледухоўскай да 20-і таямніцаў Ружанца»
• Пасля дакладаў — пытанні да дакладчыкаў, дыскусія, размова
• 12.15 – 13.00 — адарацыя Найсвяцейшага Сакрамэнту. Ружанец
• 13.00 – 13.50 — абед
• 14.00 – 14.40 — даклад айца Рамана Шульца OP «Адарацыя Найсвяцейшага Сакрамэнту з Марыяй у школе святога Альфонса Марыі Лігуоры»
• 14.45 – 15.10 — даклад Алены Валаховіч «Зэлі і Луі Мартэн — святыя бацькі святой Тэрэзы з Лізьё, якія жадалі неба»
• Пасля дакладаў — пытанні да дакладчыкаў, дыскусія, размова
• 15.30 – 15.55 — перапынак
• 16.00 – 16.30 — сведчанні аб пладах ружанцовай малітвы і папярэдніх кангрэсаў
• 16.35 — падрыхтоўка да літургіі
• 17.00 — Эўхарыстыя

Апекуном кангрэсу з’яўляецца Біскупскі вікарый для горада Магілёва і Магілёўскай вобласці біскуп Аляксандр Яшэўскі SDB.

Рэгістрацыя абавязковая! Арганізатары просяць паведаміць пра свой удзел у кангрэсе да 25 верасня.

Для таго, каб зарэгістравацца, дастаткова пазваніць або даслаць SMS-паведамленнем інфармацыю пра ўдзельнікаў:

• імя, прозвішча
• мясцовасць, назва парафіі
• колькасць асоб, якія будуць удзельнічаць у кангрэсе
• кантактны нумар тэлефона.

Калі пасля рэгістрацыі ўдзел у мерапрыемстве з нейкай прычыны стане немагчымым, пра гэта таксама неабходна будзе паведаміць арганізатарам.

«Для зарэгістраваных удзельнікаў кангрэса рыхтуецца ў падарунку чатыры кніжкі. Мы з радасцю чакаем вас і вашых блізкіх. Просім таксама аб малітве ў інтэнцыі кангрэса»,— гаворыць арганізатар мерапрыемства айцец Раман Шульц, дамініканін.

Адрас:

Магілёў, катэдра Унебаўзяцця Найсвяцейшай Панны Марыі і святога Станіслава, вул. Камсамольская, 4.

Кантакты:

айцец Раман Шульц ОР

• тэл.: +375 (29) 291 92 11
• e-mail: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.

суполка Ружанцовага кангрэсу ў Viber: Kангрэс2021

Катэгорыя: Аб'явы

Створана 24 Верасень 2021

Згодна з літургічным календаром на гэтым тыдні  прыпадае: 

• 20 верасня. Панядзелак – успамін св. Андрэя Кім Таэгона, прэзбітэра, Паўла Чон Хасана і паплечнікаў, мучанікаў.
• 21 верасня. Аўторак – свята св. Мацвея, апостала і евангеліста, а таксама ўспамін бл. Юзафа Каласанца і яго паплечнікаў, мучанікаў салезіянскіх.
• 23 верасня. Чацвер – успамін св. Піо з П’етрэльчыны, святара.
• 24 верасня. Субота – успамінаем Марыю Успамогу Хрысціянаў. Згодна з традыцыяй Салезіянскай сям’і напрыканцы св. Імшы, праз заступніцтва Марыі Успамогі Хрысціянаў, можна будзе атрымаць урачыстае благаслаўленне. Пасля св. Імшы адбудзецца адарацыя Найсвяцейшага Сакрамэнту. Запрашаем усіх вернікаў!

З жыцця нашай парафіі і нашага араторыя:

• Заахвочваем моладзь і дзяцей запісвацца на заняткі па рэлігіі. Запісацца можна ў нашым парафіяльным кіёску. Просім бацькоў і апекуноў паклапаціцца аб гэтым! Распарадак заняткаў размешчаны на дошцы аб’яў і пры парафіяльным кіёску.
• УВАГА СТУДЭНТЫ І ПРАЦУЮЧАЯ МОЛАДЗЬ! У хуткім часе пры нашай парафіі і араторыі распачнуцца сустрэчы па катэхізацыі для сдудэнтаў, навучэнцаў і працуючай моладзі. Першая арганізацыйная сустрэча для сдудэнтаў і навучэнцаў адбудзецца 21 верасня ў аўторак у класе № 2, у будынку капліцы. Сустрэчу будзе весці кс. Артур Ляшнеўскі. Першая арганізацыйная сустрэча для працуючай моладзі адбудзецца 29 верасня ў сераду. Сустрэчу будзе праводзіць кс. Алег Каралёў.
• Запрашаем дзяцей 5-га і 6-га класа далучыцца да суполкі Савіо-Клуб. У суполцы дзяцей чакаюць цікавыя сустрэчы, гульні і выезды. Запісацца можна ў с. Юліі Клевец.
• Запрашаем хлопцаў стаць міністрантамі ў нашай парафіі і служыць Богу пры алтары. Запісацца можна ў закрыстыі.
• 26 верасня, нядзеля – пры салезіянскім араторыі (моладзевым цэнтры) пройдуць першыя РЭАЛЬНЫЯ ГУЛЬНІ. Запрашаем падлеткаў з 5 па 11 класс да ўдзелу. Пачатак у 14.00.
• Заахвочваем вернікаў набываць у нашым парафіяльным кіёску новыя часопісы “Авэ Марыя” і “Наша Вера”!
• Сёння, у ІІІ-яю нядзелю месяца, выказваем шчырую падзяку ўсім нашым вернікам, ахвярадаўцам і дабрачынцам за матэр’яльныя ахвяраванні і дапамогу ў будове нашай новай святыні. Божа, адары кожнага патрэбнымі ласкамі!

Катэгорыя: Аб'явы

Створана 14 Верасень 2021

Згодна з літургічным календаром на гэтым тыдні  прыпадае:

• 13 верасня, панядзелак – успамін св. Яна Залатавуснага (Хрызастома), біскупа і доктара Касцёла.
• 14 верасня, аўторак – свята Узвышэння Святога Крыжа. Св. Імшы: 8.00; 19.00.
• 15 верасня, серада – успамін Найсвяцейшай Панны Марыі Балеснай.
• 16 верасня, чацвер – успамін св. Карнэлія, папы, і Кіпрыяна, біскупа, мучанікаў.
• 17 верасня, пятніца – успамін св. Робэрта Бэлярміна, біскупа і доктара Касцёла.
• 18 верасня, субота – успамін св. Станіслава Косткі, законніка.

З жыцця нашай парафіі:

• Заахвочваем моладзь і дзяцей запісвацца на заняткі па рэлігіі. Запісацца можна ў нашым парафіяльным кіёску. Просім бацькоў і апекуноў паклапаціцца аб гэтым! Распарадак заняткаў размешчаны на дошцы аб’яў і пры парафіяльным кіёску.
• УВАГА СТУДЭНТЫ! У хуткім часе пры нашай парафіі і араторыі распачнуцца сустрэчы для сдудэнтаў і навучэнцаў. Першая арганізацыйная сустрэча адбудзецца 21 верасня ў аўторак у класе No 2, у будынку капліцы. Сустрэчы будзе весці кс. Артур Ляшнеўскі.
• Запрашаем дзяцей 5-га і 6-га класа далучыцца да суполкі Савіо-Клуб. У суполцы дзяцей чакаюць цікавыя сустрэчы, гульні і выезды. Запісацца можна ў с. Юліі Клявец.
• Запрашаем членаў Апостальства Душ Чысцовых на сустрэчу з новым адказным святаром. св. Імша за душы, церпячыя ў чысцу, і сустрэча адбудуцца ў суботу 18 верасня ў 17.00. Запршаем!
• Запрашаем хлопцаў стаць міністрантамі ў нашай парафіі і служыць Богу пры алтары. Запісацца можна ў закрыстыі.
• У духу абароны нашай Планеты і нашай краіны аб’яўляем конкурс малюнкаў на тэму: "Барацьба з пластыкам – захаваем Планету, як Божы дар." Тры пераможцы атрымаюць падарункі. Найлепшы з малюнакам будзе надрукаваны ў каляндары на 2022 год. Запрашаем да ўдзелу дзяцей і моладзь па восьмы клас уключна. Падпісаныя малюнкі можна прыносіць у кіёск да 18 верасня. Пераможцы будуць аб’яўлены 19 верасня на св. Імшы на 10.00.
• 19 верасня, нядзеля – сёстры-салезіянкі сардэчна запрашаюць на святкаванне 30-годдзя прысутнасці Дачок Марыі Успамогі Хрысціянаў на Беларусі. Урачыстая святая Імша падзякі Богу за служэнне Сясцёр-салезіянак адбудзецца ў Смаргоні 19 верасня ў 14.00. Запрашаем!
• 19 верасня, нядзеля – прыпадая ІІІ-ая нядзеля месяца. Згодна з традыцыяй нашай парафіі ахвяры будзем збіраць на патрэбы будовы нашай новай святыні. Да канца месяца нашай парафіі неабходна пагасіць доўг за выкананыя раней будаўнічыя працы. Просім вернікаў быць адкрытымі і ахвярнымі. Божа адудзяч кожнаму!
• У духу ўдзячнасці за юбілей 30-годдзя існаваня каталіцкіх структур на Беларусі і з просьбай аб дальнейшым благаслаўленні, 26 верасня, у нядзелю, нашу парафію наведае адміністратар Мінска-Магілёўскай архідыяцэзіі Біскуп Казiмiр Велікаселец. На працягу ўсяго дня Біскуп Казімір будзе маліцца з намі на св. Імшах.
• 26 верасня, нядзеля – пры салезіянскім араторыі (моладзевым цэнтры) пройдуць першыя РЭАЛЬНЫЯ ГУЛЬНІ. Запрашаем падлеткаў з 5 па 11 класс да ўдзелу. Пачатак у 14.00.
• Заахвочваем вернікаў набываць у нашым парафіяльным кіёску новыя часопісы “Авэ Марыя” і “Наша Вера”!
• Выказваем шчырую падзяку ўсім нашым вернікам, ахвярадаўцам і дабрачынцам за матэр’яльныя ахвяраванні і дапамогу ў будове нашай новай святыні. Божа, адары кожнага патрэбнымі ласкамі!

Катэгорыя: Аб'явы

Створана 10 Верасень 2021

Згодна з літургічным календаром на гэтым тыдні  прыпадае:

• 8 верасня, серада – свята Нараджэння Найсвяцейшай Панны Марыі. Св. Імшы: 8.00; 19.00.
• 9 верасня, чацвер – успамін св. Пятра Клявэра, прэзбітэра.

З жыцця нашай парафіі:

• Распачаўся новы навучальны год. Заахвочваем моладзь і дзяцей запісвацца на заняткі па рэлігіі. Запісацца можна ў нашым парафіяльным кіёску. Просім бацькоў і апекуноў паклапаціцца аб гэтым! Распарадак заняткаў размешчаны на дошцы аб’яў і пры парафіяльным кіёску.
• 12 верасня, нядзеля – у нашай парафіі адбудзецца свята для ўсіх дзяцей і моладзі. Запрашаем дзяцей, моладзь, бацькоў і апекуноў на Св. Імшу а 10ай гадзіне, падчас якой адбудзецца урачыстае благаслаўленне навучальных прыладаў. Пасля Св. Імшы для дзяцей, моладзі і дарослых адбудзецца святочнае мерапрыемства. Запрашаем!
• У духу абароны нашай Планеты і нашай краіны аб’яўляем конкурс малюнкаў на тэму: "Барацьба з пластыкам – захаваем Планету, як Божы дар." Тры пераможцы атрымаюць падарункі. Найлепшы з малюнакам будзе надрукаваны ў каляндары на 2022 год. Запрашаем да ўдзелу дзяцей і моладзь па восьмы клас уключна. Падпісаныя малюнкі можна прыносіць у кіёск да 18 верасня. Пераможцы будуць аб’яўлены 19 верасня на св. Імшы на 10.00.
• 19 верасня, нядзеля – сёстры-салезіянкі сардэчна запрашаюць на святкаванне 30-годдзя прысутнасці Дачок Марыі Успамогі Хрысціянаў на Беларусі. Урачыстая святая Імша падзякі Богу за служэнне Сясцёр-салезіянак адбудзецца ў Смаргоні 19 верасня ў 14.00. Запрашаем!
• 26 верасня, нядзеля - пры салезіянскім араторыі (моладзевым цэнтры) пройдуць першыя РЭАЛЬНЫЯ ГУЛЬНІ. Запрашаем падлеткаў з 5 па 11 класс да ўдзелу. Пачатак у 14.00.
• Выказваем шчырую падзяку ўсім нашым вернікам, ахвярадаўцам і дабрачынцам за матэр’яльныя ахвяраванні і дапамогу ў будове нашай новай святыні. Божа, адары кожнага патрэбнымі ласкамі!

Катэгорыя: Аб'явы

Створана 14 Жнівень 2021

 Згодна з літургічным календаром на гэтым тыдні  прыпадае:

• 16, Панядзелак – успамін св. Стэфана Венгерскага, а таксама св. Роха з Манпелье.
• 20, Пятніца – успамін св. Бэрнарда, абата і доктара Касцёла.
• 21, Субота – успамін св. Пія Х, папы.

З жыцця нашай парафіі:

• 16 жніўня, у панядзелак, у нашу парафію прыбывае святар-салезіянін, кс. Артур Ляшнеўскі SDB. Вітаем яго ўсёй нашай парафіяй і атуляем малітвамі. Кс. Артур прызначаны эканомам салезіянскай супольнасці і вікарыем парафіі Св. Яна Хрысціцеля ў Мінску. Прывітанне кс.Артура адбудзецца ў наступную нядзелю, 22 жніўня, на св. Імшы а 10.00 гадзіне. Запрашаем!
• З 15 жніўня па 10 кастрычніка 2021 года ў нашай парафіі будзем маліцца навэннвй да св.Яна Боско. Хутка распачнецца святкаванне юбілею 100-дзя прысутнасці Салезіянаў на тэрыторыі сучаснай Беларусі. Таму ў духу ўдзячнасці Богу за атрыманыя ласкі праз заступніцтва св. Яна Боско, а таксама з просьбай аб дальнейшым благаслаўленні, у лучнасці з усёй салезіянскай сям’ёй будзем маліцца навэннай кожную нядзелю на прыканцы св. Імшаў. Запрашаем да супольнай малітвы!
• 19 жніўня, у чацвер а 19.00 гадзіне, у нашай святыні будзе цэлебравацца
  св. Імша праз заступніцтва св. Юзафа ў інтэнцыі ўсіх хлопцаў і мужчын, аб дар для іх добрага айцоўства і сумленнага выканання паклікання. Запрашаем усіх!
• Увага! Моладзь і дзеці. Хутка разпачнецца новы навучальны год. Зарання заахвочваем Вас запісвацца на заняткі па ўрокам рэлігіі. Запісацца можна ў нашым парафіяльным кіёску. Бацькоў і апекуноў, просім паклапаціцца аб гэтым! Разпарадак заняткаў будзе пададзены ў бліжэйшым часе!
• Сёння, у ІІІ-ю нядзелю месяца, выказваем шчырую падзяку ўсім нашым вернікам, ахвярадаўцам і дабрачынцам за матэр’яльныя ахвяраванні
  і дапамогу ў будове нашай новай святыні. Божа, адары кожнага патрэбнымі ласкамі!

Катэгорыя: Аб'явы

Створана 12 Ліпень 2021

Згодна з літургічным календаром на гэтым тыдні  прыпадае:

• 12, Аўторак – успамін св. Генрыха.
• 14, Серада – успамін св. Каміла Леліскага, прэзбітэра.
• 15, Чацвер – успамін св. Бонавэнтуры, біскупа і доктара Касцёла.
• 16, Пятніца – успамін Найсвяцейшай Панны Марыі з Гары Кармэль, а таксама чарговая гадавіна святарскага пасвячэння кс. Алега Каралёва, салезіяніна. Памятаем пра яго ў сваіх малітвах.

З жыцця нашай парафіі:

• 18, Нядзеля – прыпадая 3-ая нядзеля месяца. Згодна з традыцыяй нашай парафіі, у часе святых Імшаў ахвяраванні будзем збіраць на пагашэнне доўгу за выкананыя працы ў будове нашай новай святыні. Божа адары кожнага патрэбнымі ласкамі!
• Заахвочваем вас, нашыя шаноўныя вернікі набываць у нашым парафіяльным кіёску новы часопіс “Авэ Марыя” з цікавымі артыкуламі пра жыццё Касцёла на Беларусі.
• Выказваем падзяку ўсім нашым вернікам, ахвярадаўцам
  і дабрачынцам за ахвяраванні на пагашэнне доўгу за выкананыя працы па будове нашай новай святыні. Божа адары кожнага патрэбнымі ласкамі!

Катэгорыя: Аб'явы

Створана 02 Ліпень 2021

Згодна з літургічным календаром на гэтым тыдні  прыпадае: 

• 05, Панядзелак – успамін св. Антонія Марыі Дзаккарыя, прэзбітэра.
• 06, Аўторак – успамін св. Марыі Гарэцці, панны і мучаніцы.
• 07, Серада – успамін бл. Марыі Ромэро, сястры салезіянкі.
• 09, Пятніца – успамін св. Аўгустына Джао Жонга, прэзбітэра, і паплечнікаў, мучанікаў.

• Выказваем падзяку ўсім нашым вернікам, ахвярадаўцам
  і дабрачынцам за ахвяраванні на пагашэнне доўгу за выкананыя працы па будове нашай новай святыні. Божа адары кожнага патрэбнымі ласкамі!

Катэгорыя: Аб'явы

Створана 28 Чэрвень 2021

 Згодна з літургічным календаром на гэтым тыдні  прыпадае: 

• 28 чэрвеня, панядзелак – успамін св. Ірэнэя, біскупа і мучаніка.
• 29 чэрвеня, аўторак – урачыстасць святых Пятра і Паўла, апосталаў.
  Св Імшы ў нашай парафіі адбудуцца ў 7.00; 11.00; 19.00. Ахвяраванні
  ў гэты дзень збіраем на патрэбы Апостальскай Сталіцы.
• 30 чэрвеня, серада – успамін святых Першамучанікаў Рымскага Касцёла.
• 2 ліпеня, пятніца – урачыстасць Маці Божай Будслаўскай. Св. Імшы
  ў нашай парафіі адбудуцца ў 8.00; 19.00.
• 3 ліпеня, субота – свята св. Тамаша, Апостала.

З жыцця нашай парафіі і нашага араторыя: 

• У сувязі з урачыстасцямі Маці Божай Будслаўскай, 3 ліпеня св. Імша ў нашай парафіі адбудзецца толькі а 19ай гадзіне. Св. Імшы на 8.00 не будзе.
• Выказваем падзяку ўсім нашым вернікам, ахвярадаўцам
  і дабрачынцам за ахвяраванні на пагашэнне доўгу за выкананыя працы па будове нашай новай святыні. Божа адары кожнага патрэбнымі ласкамі!

Катэгорыя: Аб'явы

Створана 22 Чэрвень 2021

Згодна з літургічным календаром на гэтым тыдні  прыпадае: 

• 21 чэрвеня, панядзелак — успамін св. Алаізія Ганзагі, законніка
• 22 чэрвеня, аўторак — успамін св. Паўліна Нольскага, біскупа, св. Джона Фішара, біскупа, і Томаса Мора, мучанікаў, а таксама св. Юзафа Кофасо, салезіяніна.

• 24 чэрвеня, чацвер — урачыстасць Нараджэння св. Яна Хрысціцеля, апекуна нашай парафіі. Галоўная адпустовая св. Імша адбудзецца а 19.00 гадзіне, якую ўзначаліць арцыбіскуп Тадэвуш Кандрусевіч. Таксама адпустовыя святыя Імшы будуць цэлебравацца ў 7.00 і 11.00.

Салезіянская Сям’я, якая нясе душпастырскае служэнне ў парафіі,  запрашае ўсіх вернікаў да супольнага святкавання.

З жыцця нашай парафіі і нашага араторыя:

• Дарагія дзеці, запрашаем вас прыняць удзел у летніх акцыях:

            - 28 чэрвеня - 2 ліпеня - вакацыі з Богам для дзяцей з 3 па 5 класс на базе нашага араторыя.

            - 1 - 5 ліпеня - выязныя вакацыі для падлеткаў з 6 па 8 класс.

З-за пандэміі колькасць удзельнікаў і колькасць дзён абмежаваны. Запісацца на вакацыі і атрымаць дадатковую інфармацыю можна ў нашым парафіяльным кіёску.

• Заахвочваем вернікаў набываць у нашым парафіяльным кіёску новы часопіс “Авэ Марыя”.
• Выказваем таксама падзяку ўсім нашым вернікам, ахвярадаўцам
  і дабрачынцам за ахвяраванні на пагашэнне доўгу за выкананыя  будаўнічыя працы ў нашай новай святыні. Божа, адары кожнага патрэбнымі ласкамі!